08-03-2012, 19:52
Fakt.
Chop nie baba. Ja, godom wom, Helga to istny diobeł niy baba. Achim mioł szczyńście i pieronowego pecha. Waliła go jak w bynbyn, a łon taki mikrus pieroński. Szkoda go było. Ale som chcioł zaroski wom łopowiym. A było to mni wiyncy tak.
Jak jeszcze była dziołchom kożdy się za niom łoglądoł, gryfno była jak tyn aniołecek w kościele u Pitloka, ale my się jom boli. Co to był za gizd, tego się niy do łopisać. Roz jak praskła w tyn gupi pysk Richata to mu dwa zymby wyleciały. Nawet staro Jadwiszczocka niy szła na skorga do Migdołki. No i mioł pamiątka łot Helgi, co wejrzoł na siebie do żadła to mu się płakać chciało. Achim był tyż gryfniok, taki cichy, łon juziaś nie godoł nigdy nic, ino się patrzył. Niy tak jak Richat.
Keregoś fajnego dzionka szli my wszystke razym z ształwarejerow, to tako dolina trzech stawów. Kompały się tam całe Katowice, wtedy jeszcze stalinogród pieroński. Podlazła blisko Achima a tyn ło mało co w galoty sie niy zesroł.
Suchej, godo, ty się zymnom łożynis, cy ci się to podobo cy niy.
My wszyscy jakby nom mordy zamurowało, cicho jak makym zasioł. Żodyn się nawet niy zaśmiał ini niy mruknoł.
- Słyszys co żem ci pedziała
- Ja słysza i co ?
- Niy i co ino kedy
- co kedy?
- Bo jak cie rypna w tyn gupi pychol to zaroski spamiyntos wszystko
- No dobra, a kedy chcesz się to żynić?
- A choćby jutro, i wiyncy nie pytej bo jużem i tak nerwowo.
- Jutro godos co ?
_- Niy być gupi, takis szwarny i gryfny a gupiś, jasne ze niy jutro, jutro to przidzieś się mi łoświadcyć z twoimi starkami, i koniec, a potym bydymy godać dali.
- No to dobra
Wszyscy idom jak na pogrzyb, cicho, no to się mu dostało. Pod domym pytom się go.
- Tyś słyszał to co jo?
- Jekem mioł niy słyszeć jak przy mie szła.
- I co?
- I gówno, niych sie tam godo co chce.
- Ty głupolu jedyn, jak łona coś chce to mo.
- No coś ty, mie tam niy dostanie.
A jo tam wiym swoje, tu mi godo, a w pory wali.
Jeszcze my pogodali jak my szli z roboty razym i twardo się wypiyroł.
Na wiecorym kegy przyloz do nos pod siyń, wszyscy wiedzieli już na Nikiszu, że Achim się bydzie żynił, był się łoświodcyć.
Dzisioj majom już te swoje lata razym spyndzone, ale jak trzeba to i tak go zleje jak psa, a łon ino godo że jom kocho, i tak i tak.
Tako to baba jest z ty Helgi. Jesce.
Chop nie baba. Ja, godom wom, Helga to istny diobeł niy baba. Achim mioł szczyńście i pieronowego pecha. Waliła go jak w bynbyn, a łon taki mikrus pieroński. Szkoda go było. Ale som chcioł zaroski wom łopowiym. A było to mni wiyncy tak.
Jak jeszcze była dziołchom kożdy się za niom łoglądoł, gryfno była jak tyn aniołecek w kościele u Pitloka, ale my się jom boli. Co to był za gizd, tego się niy do łopisać. Roz jak praskła w tyn gupi pysk Richata to mu dwa zymby wyleciały. Nawet staro Jadwiszczocka niy szła na skorga do Migdołki. No i mioł pamiątka łot Helgi, co wejrzoł na siebie do żadła to mu się płakać chciało. Achim był tyż gryfniok, taki cichy, łon juziaś nie godoł nigdy nic, ino się patrzył. Niy tak jak Richat.
Keregoś fajnego dzionka szli my wszystke razym z ształwarejerow, to tako dolina trzech stawów. Kompały się tam całe Katowice, wtedy jeszcze stalinogród pieroński. Podlazła blisko Achima a tyn ło mało co w galoty sie niy zesroł.
Suchej, godo, ty się zymnom łożynis, cy ci się to podobo cy niy.
My wszyscy jakby nom mordy zamurowało, cicho jak makym zasioł. Żodyn się nawet niy zaśmiał ini niy mruknoł.
- Słyszys co żem ci pedziała
- Ja słysza i co ?
- Niy i co ino kedy
- co kedy?
- Bo jak cie rypna w tyn gupi pychol to zaroski spamiyntos wszystko
- No dobra, a kedy chcesz się to żynić?
- A choćby jutro, i wiyncy nie pytej bo jużem i tak nerwowo.
- Jutro godos co ?
_- Niy być gupi, takis szwarny i gryfny a gupiś, jasne ze niy jutro, jutro to przidzieś się mi łoświadcyć z twoimi starkami, i koniec, a potym bydymy godać dali.
- No to dobra
Wszyscy idom jak na pogrzyb, cicho, no to się mu dostało. Pod domym pytom się go.
- Tyś słyszał to co jo?
- Jekem mioł niy słyszeć jak przy mie szła.
- I co?
- I gówno, niych sie tam godo co chce.
- Ty głupolu jedyn, jak łona coś chce to mo.
- No coś ty, mie tam niy dostanie.
A jo tam wiym swoje, tu mi godo, a w pory wali.
Jeszcze my pogodali jak my szli z roboty razym i twardo się wypiyroł.
Na wiecorym kegy przyloz do nos pod siyń, wszyscy wiedzieli już na Nikiszu, że Achim się bydzie żynił, był się łoświodcyć.
Dzisioj majom już te swoje lata razym spyndzone, ale jak trzeba to i tak go zleje jak psa, a łon ino godo że jom kocho, i tak i tak.
Tako to baba jest z ty Helgi. Jesce.
